پانچویں شرط :

نیت کا بیان

نماز کی نیت: نیت سے مراد دل کا پکا اِرادہ ہے محض تصورو خیال کافی نہیں جب تک اِرادہ نہ ہو۔
مسئلہ۱: اگر زبان سے بھی کہہ لے تو اچھا ہے مثلاً یوں کہ نیت کی میں نے دو رکعت فرض فجر کی اللّٰہ تعالیٰ کے لیے منہ میرا کعبہ شریف کی طرف اَللّٰہُ اَکْبَر۔
مسئلہ۲: مقتدی کو اِقتداء کی نیت بھی ضروری ہے۔
مسئلہ۳: اِمام نے امام ہونے کی نیت نہ کی جب بھی مقتدیوں کی نماز اِس کے پیچھے صحیح ہے لیکن ثواب جماعت نہ پائے گا۔
مسئلہ۴: نماز جنازہ کی نیت یہ ہے: نیت کی میں نے نماز کی اللّٰہ (عَزَّوَجَلَّ) کے لیے اور دعا کی اس میت کے لیے اَللّٰہُ اَکْبَر۔