کیفیت کے اعتبار سے مدارجِ قلقلہ

پہلا درجہ : جب حروفِ قلقلہ مشدّد اور موقوف ہوں تو سب سے قوی قلقلہ ہوگا۔

مثلا ً : اَلْحَقّ ْ

دوسرا درجہ : جب حروفِ قلقلہ ساکن وموقوف ہوں تو سب سے قوی قلقلہ ہوگا۔     مثلاً : فَلَقْ

تیسرادرجہ : جب حروفِ قلقلہ مشدّد اورغیر موقوف ہوں۔

مثلاً : اَلْحَقُّ مِنْ رَّبِّکَ

چوتھا درجہ : جب حروف قلقلہ ساکن اورغیر موقوف ہوں۔مثلاً : خَلَقْنَا 

(۲) صفیر 

لغوی معنٰی :سیٹی

اصطلاحی معنٰی :سیٹی کی طرح تیز آواز کو کہتے ہیں۔

ادائیگی : جن حروف میں یہ صفت پائی جاتی ہے ان حروف کو ادا کرتے وقت آواز سیٹی کی طرح نکلتی ہے ۔

کل حروف :یہ ۳حروف ہیں جن کو حروفِ صفیریہ کہتے ہیں۔

مراتبِ صفیریہ : سب سے زیادہ ”س” میں اس کے بعد ”ز” اورسب سے کم”ص”میں سیٹی کی آواز نکلے گی ۔جیسے اَسَّ     اَزَّ    اِصَّ

(۳) انحراف 

لغوی معنٰی :مائل ہونا

اصطلاحی معنٰی : زبان کا ایک مخرج سے دوسرے مخرج کی طرف مائل ہونا۔

ادائیگی : جن حروف میں یہ صفت پائی جاتی ہے ان کو ادا کرتے وقت زبان ایک مخرج سے دوسرے مخرج کی طرف مائل ہوتی ہے۔

کل حروف : یہ ۲حروف ہیں ۔”ل، ر” 

(۴)لین 

لغوی معنٰی : نرمی

اصطلاحی معنٰی : حروف کونرمی سے اد اکرنا

ادائیگی : جن حروف میں یہ صفت پائی جاتی ہے ان کو نرمی اورآسانی کے ساتھ بغیر جھٹکے کے اس طرح ادا کرنا کہ اگر دراز کرنا چاہیں کر سکیں ۔

کل حروف : یہ۲ حروف ہیں”و” ”ی ”ساکن ماقبل مفتوح ۔ ان حروف کو لین کہتے ہیں۔

(۵) تکریر

لغوی معنٰی :تکرار (بار بار ہونا)

اصطلاحی معنٰی : کسی حرف کو ادا کرتے وقت آواز میں تکرار کا پیدا ہونا۔

ادائیگی :جس حرف میں یہ صفت پائی جاتی ہے اسکو اداکرتے وقت زبان میں ہلکی سے کپکپاہٹ پیداہوتی ہے ۔

کل حروف :یہ صفت صرف ”را”میں پائی جاتی ہے اوراسکی ادائیگی میں اصل تکرار سے پرہیز کرنا چاہیے ۔مثلاً اَرَّ 

(۶) تَفَشِّیْ

لغوی معنٰی : پھیلنا

اصطلاحی معنٰی : آواز کا منہ کے اندر پھیلنا

ادائیگی : جس حرف میں یہ صفت پائی جاتی ہے اسکو ادا کرتے وقت آواز منہ میں پھیل جاتی ہے ۔

کل حروف :یہ صفت صرف ”ش”میں پائی جاتی ہے ۔

(۷) استطالت

لغوی معنٰی : لمبائی چاہنا

اصطلاحی معنٰی : آواز کا دیر تک مخرج میں جاری رہنا۔

ادائیگی : جس حرف میں یہ صفت پائی جاتی ہے اس کو ادا کرتے وقت آواز دیر تک اپنے مخرج میں جاری رہتی ہے ۔

کل حروف : یہ صفت صرف ”ض” میں پائی جاتی ہے ۔