منقبت حضور شیخ الاسلام علامہ سید محمد مدنی اشرفی جیلانی مد ظلہٗ علینا

16 Less than a minute

جاں گُسل وقت کا انجام ہیں شیخ الاسلام

صبر ائے دل کہ لب بام ہیں شیخ الاسلام

تو ہے سورج تری کرنوں کا ہے شہرہ ہر سو

سب مخالف ترے گمنام ہیں شیخ الاسلام

تیرے فتوؤں کو جو سمجھے ہی نہیں آج تلک

علم میں اپنے وہ سب خام ہیں شیخ الاسلام

ہیں ترے عجز کی تلوار سے ریزہ ریزہ

کبر و نخوت کے جو اصنام ہیں شیخ الاسلام

مرے حق میں بخدا غوثِ زمانہ ہے تو

مرے سب کام ترے نام ہیں شیخ الاسلام

قیسؔ کیا سونچتے ہوعشق نوردی کے لئے

سالکِ عشق کا احرام ہیں شیخ الاسلام

Post Views: 446