ہماری عمریں تو بہت قلیل ہیں

عِنایَت فرمادی کہ اگر وہ اُس رات میں میری عِبادت کریں گے تَو حضرتِ شَمْعُون رحمۃ اللہ تعالیٰ علیہ کے ہزار ماہ کی عِبادت سے بھی بڑھ جائیں  گے۔             (ماخوذ از تفسِیرِ عزیزی ج۴ص۴۳۴)

اللہُ اَکْبَرعَزَّوَجَلَّ! میرے میٹھے میٹھے اِسلامی بھائیو! خُدائے رَحمٰن عَزَّوَجَلَّ اپنے محبوبِ ذیشاں، رَحمتِ عالَمِیان صلَّی اللہ تعالیٰ علیہ واٰلہٖ وسلَّم کی اُمَّت پر کس قَدْر مہربان ہے اور اُس نے ہم غُلاموں پر ہمارے میٹھے میٹھے آقا نبیِّ آخِرُ الزَّمان صلَّی اللہ تعالیٰ علیہ واٰلہٖ وسلَّم کے صَدقے کِس قَدَر عظیم الشان اِحسان فرمایا کہ اگر شَبِ قَدْر میں عِبادت کرلیں تو ایک ہزار ماہ سے بھی زیادہ کی عِبادت کا ثواب پالیں۔مگر آہ ! ہمیں شَبِ قَدْر کی قَدْ ر کہاں!ایک صَحَابہ کِرام علیھم الرضوان بھی تو تھے کہ اُن کی حسرت پر ہم سب کو اِتنا بڑا اِنعام بِغیر کسی خواہِش کے مِل گیا۔اُنہوں نے تواِس کی قَدربھی کی مگر ہم ناقَدْروں کو تو عِبادت کی فُرصت ہی نہیں ملتی ۔آہ ! ہر سال مِلنے والے اِس عظیمُ الشّان اِنعام کو ہم غَفلت کی نَذر کردیتے ہیں ۔