اسلام
ایسا بھی کوئی خواب خدایا دکھائی دے نعت
ﷺ
ایسا بھی کوئی خواب خدایا دکھائی دے
جس میں حبیبِ پاک کا چہرہ دکھائی دے
ہر شئے میںمصطفی کا ہی جلوہ دکھائی دے
انوارِایزدی کا سراپا دکھائی دے
آنکھوںکو میری وصف وہ کردے عطاخدا
کعبہ دکھائی دے کبھی طیبہ دکھائی دے
طیبہ میں دفن ہوںتو مجھے خلد میں فداؔ
ان کے قریب اپنا ٹھکانہ دکھائی دے
روروکے کر رہا ہے فداؔبس یہی دعا
یارب سفر مدینے کاہوتادکھائی دے
غلام ربانی فدا
مدیرجہان نعت ہیرور
