قارئین سہ ماہی چراغ نور کو نیا سال بہت بہت مبارک ہو ۔نئے سال کے آغاز کے ساتھ چراغ نورنئے عزم ، حوصلہ اور نئے رنگ میں آپ کے پیش خدمت ہے ۔ گزشتہ دنوں میرے رفیق محترم مبین احمدزخم فون پر فرمانے لگے کہ مولانا سہ ماہی چراغ نور کے لئے آپ اداریہ لکھیں۔میں نے رفیق محترم کی خواہش کے تقدس کو پامال نہ ہونے دیا اورہامی بھر لی۔ اداریہ لکھنے بیٹھا ہوں۔۔۔۔۔۔۔۔۔۔۔۔سوچتا ہوںکہ میں اداریہ کیا لکھوں؟اپنوں کی ریشہ دانیوں کانوحہ لکھوں۔۔۔۔۔۔۔۔۔۔۔۔۔۔۔۔۔۔تعصب پرستوں کی اردو کے خلاف یلغار کاافسانہ لکھوں۔۔۔۔۔۔۔۔۔۔۔۔۔۔۔۔۔۔۔۔۔۔۔اہل اردوکی اردو سے چشم پوشی کی داستاں لکھوں۔۔۔۔۔۔۔۔۔۔۔۔۔۔۔۔۔۔۔اردو رسائل اور اخبارات کی کیفیات لکھوں۔۔۔۔۔۔۔۔۔۔۔۔۔۔۔۔۔۔۔۔۔اکاڈمیوں اور انجمنوں کی کارگردگیاں لکھوں ۔۔۔۔۔۔۔۔۔۔۔۔۔۔مشاعروں کا احوال لکھوں۔۔۔۔۔۔۔۔۔۔۔۔۔۔۔۔۔۔۔۔۔نئی نسل کی اردو سے دوری کاالمیہ لکھوں۔۔۔۔۔۔۔۔۔۔۔۔۔۔۔۔۔قلمکاروںکی اردو رسائل کے مدیروں پر غنڈہ گردی کے افسانے لکھوں۔۔۔۔۔۔۔۔۔۔۔۔کہ کیالکھوں؟جہاں دیکھتاہوں اردو کو صفحۂ ہستی سے مٹانے کا ایک ناختم ہونے والا سلسلہ نظرآتاہے۔۔۔۔۔۔۔۔۔۔۔۔۔۔اہل اردو سانس لیتے ہوئے بھی مردارہیں،بے ہوشی وغفلت کی نیند کاشکارہیں۔شاید کہ صوراسرافیل سے ہی اٹھیں گے۔۔۔۔۔۔۔۔۔۔۔۔۔۔۔۔۔میں یہ سب دیکھتاہوںتو میرا پتھر جیسا دل بھی موم ہو جاتا ہے۔۔۔۔۔۔۔۔۔۔۔۔اپنی بے بسی،ناتوانی اور کمزوری پر سرپیٹ پیٹ کر رونے کوجی چاہتاہے۔ جب میں سنتاہوں کہ ایک بڑے شہر (مثلاً رانی بنور)میں ایک بھی گورنمنٹ اردوہائسکول نہیں ہے۔۔۔۔۔۔۔۔۔۔۔۔۔۔۔۔اس سال ریاست میں ۵۰ اردواسکولوں کو تالے لگ گئے۔۔۔۔۔۔۔۔۔۔۔۔۔۔۔۔تودل تڑپ اٹھتاہے۔۔۔۔۔۔۔۔۔۔۔۔۔جب معلوم ہوتا ہے کہ ایک اردو شاعر کے بچے غیراردو اسکولوں میں تعلیم پاتے ہیں ۔۔۔۔۔۔۔۔۔۔۔۔۔۔۔۔تو دل سے ہوک اٹھتی ہے۔۔۔۔۔۔۔۔۔۔۔۔۔جب میں یہ دیکھتاہوںکہ ہمارے اردو اساتذہ کے دل ٹکڑے انگریزی اسکولوں کو جاتے ہیں ۔۔۔۔۔۔۔۔۔۔۔۔۔۔۔تودل ٹکڑے ٹکڑے ہو جاتاہے۔۔۔۔۔۔۔دوسرے زبانوںکے اسکولوں ۔۔۔۔۔۔۔۔ادارے اور مراکز۔۔۔۔۔۔اکاڈمیاںعالی شان ،آباد اور خوشحال ہیں۔۔۔۔۔۔۔۔۔۔۔۔۔۔۔۔تودل کڑھتاہے۔ جب میں دیکھتاہوں اہل اردو کے ادارے ،اہل دل لاکھوں لاکھوں خرچ کرکے مشاعرے،سیمیناروکانفرنسوں کا انقعاد کرتے ہیں،جن میں اکثر جوشیلے نعرے،ٹھٹھے بازیاں،باہم مدح سرائیاں۔۔۔۔۔۔واہ واہ۔۔۔۔۔۔۔۔۔من تراحاجی بگویم تومراحاجی بگو۔۔۔۔میں ہی وقت اور پیسہ دونوں برباد کیاجاتا ہے۔۔۔۔۔۔۔اورنتائج دیکھیں توکچھ بھی حاصل نہیں۔۔۔۔۔۔۔۔جبکہ غیروں کے سیمیناروکانفرنسیس بامقصد،منظم،عنوان کے تحت تقاریرو مقالہ جات پرمشتمل ہوتے ہوئے آگے بڑھنے کاجذبہ وحوصلہ دیتے ہیں۔۔۔۔۔۔۔۔۔۔۔۔تواپنی بے مقصدیت پرماتم کرنے کوجی چاہتاہے۔ ان سب خرابیوں خامیوں کے باوجود اتناتو یقین کامل ہے کہ۔۔۔۔۔۔۔۔۔صرف اور صرف ہم ہی انقلابات کے امین ہیں۔۔۔۔۔۔۔ہم ہی امن کے پیغامبرہیں۔۔۔۔۔۔۔ہم ہی ہند کی شان ہیں ۔۔۔۔۔۔۔۔۔۔۔۔۔۔کوئی پوچھے اگر کیسے؟ ۔۔۔۔۔۔۔۔۔۔۔۔۔۔ہم کہتے ہیں ایسے! تما م سوالات کے جوابات کے لئے پڑھئے جدید ادب کاترجمانچراغ نور ۔۔۔۔۔۔۔۔۔۔۔آپ جان جائیں گے کہ ہم کیا ہیں غلام ربانی فداؔ مدیر اعلیٰ جہان نعت ہیرور 09741277047·