قرآن کریم سیکھنے والوں کے حلقے بنا دیتے

قرآن کریم سیکھنے والوں کے حلقے بنا دیتے

جامع مسجد دِمشق میں حضرت سیِّدُنا ابودَرداء رضی اللّٰہ تعالٰی عنہکی خدمت میں نمازِ فجر کے بعد لوگ قرآن سیکھنے کے لئے جمع ہوجاتے ،آپ ان لوگوں کے دس دس افراد پر مشتمل حلقے بنادیتے اور ہر حلقے پر ایک نگران مقرر فرماتے جو اُن کو پڑھاتااور ان کی غلطیوں کی اِصلاح کرتا۔آپ رضی اللّٰہ تعالٰی عنہ خود مِحراب میں تشریف فرماہوکر انہیں ملاحظہ فرماتے،اگرکسی نگران کو کوئی مسئلہ دَرپیش ہوتا تو وہ آپ کی خدمت میں رجوع کرتا۔(معرفۃ القراء الکبار،۱/۴۱)

اونچا سننے کے باجود غلطی پکڑ لیا کرتے

حضرت سیِّدُنا امام قالون رحمۃُ اللّٰہ تعالٰی علیہ اونچا سنتے تھے لیکن اس کے باوجودآپ تلاوت کرنے والے کے ہونٹوں کو دیکھ کر اس کی غلطی کی نشان دہی فرمادیا کرتے تھے۔(سیر اعلام النبلاء ،۹/۷۶)
صَلُّوا عَلَی الْحَبِیب ! صلَّی اللّٰہُ تعالٰی علٰی محمَّد