رِقَّت انگیز دُعائیہ کلمات
رِقَّت انگیز دُعائیہ کلمات
یااللہ عَزَّوَجَلَّ! عارفین معرفت کے ذریعے تجھ تک پہنچ گئے اور عبادت کی کثرت کرنے والے تیری بارگاہ میں کھڑے ہیں۔ یااللہ عَزَّوَجَلَّ! متکبرین تیرے جلال کی ہیبت سے لرزتے ہیں، ظالم و جابر تیرے کمالِ اقتدار سے کانپتے اورتیرے جمال کا مشاہدہ کرکے راحت پاتے ہیں۔ یااللہ عَزَّوَجَلَّ!سوالی تیرے دروازے پر کھڑے ہیں،محبت کرنے والوں کے جگر تیری طلب میں پاش پاش ہو ئے جاتے ہیں،قیام کرنے والے تیری مناجات کی لذت سے کامیابی کا ہار پہنتے ہیں،باعمل لوگ تیرے ثواب سے نفع مند ہوتے ہیں اور ہر لمحہ تجھے پیشِ نظر رکھنے والے تیرے قرب میں حاضر ہوتے ہیں۔
یااللہ عَزَّوَجَلَّ! تیری بارگاہ میں گنہگاراپنے گناہوں پر نادِم ہیں،نافرمان شرمسار ہیں،تیری کڑی نگرانی سے حیاء کے مارے سر جھکائے کھڑے ہیں۔خطا کار تیری ہیبت سے خاموش ہیں۔خائفین تیری عظیم طاقت سے پارہ پارہ ہو رہے ہیں۔ یا اللہ عَزَّوَجَلَّ!اگر تو صرف عبادت گزاروں پر رحم فرمائے گا تو خوابِ غفلت میں سونے والوں پر رحم کون کرے گا؟ یااللہ عَزَّوَجَلَّ ! اگر تو صرف باعمل بندوں پر ہی نظرِ رحمت فرمائے گا تو کوتاہوں کا کیابنے گا؟ یااللہ عَزَّوَجَلَّ ! محتاجوں کی نہروں کو اپنے انعام کے سمندر سے جاری کردے۔غم زدوں کے جگروں کو اپنے عفووکرم کے پانی سے سیراب فرمادے۔ یااللہ عَزَّوَجَلَّ!اپنی بارگاہ سے بھٹکے ہوؤں کو اپنی معرفت کے دروازے کی طرف لوٹا دے ۔اور بھٹکے ہوؤں کے دلوں کو اپنی مہربانی اور لطف وکرم کے انوار
