نکاح کرنے والی کے آداب

نکاح کرنے والی کے آداب

(جس عورت کو پیغامِ نکاح دیا جائے اسے چاہے کہ) اپنے گھر کے قابلِ اعتماد مرد کو کہے کہ وہ نکاح کاپیغام دینے والے کے مذہب، دین، عقیدے، صاحب ِ مُرُوَّت ہونے اور اپنے وعدے میں سچا ہونے کے متعلق معلومات حاصل کرے، عورت مرد کے کسی قریبی رشتہ دار کو دیکھ لے اور معلومات حاصل کرے کہ اس کے گھر کون آتا جاتا ہے۔ نیز اس کی باجماعت نمازکی پابندی کے متعلق دریافت کرے اوریہ کہ وہ اپنے کاروبار اور تجارت میں مخلص ہے یا نہیں؟ اور اس کے دین اور سیرت میں دلچسپی رکھے نہ کہ مال و دولت اور شہرت میں۔ اس کے ساتھ قناعت اختیار کرتے ہوئے زندگی گزارنے کا عزم کرے ، اس کے حکم کی فرمانبرداری کرے کہ یہ الفت ومحبت کومضبوط و مستحکم کرنے اور پایۂ تکمیل تک پہنچانے کا سبب ہے۔