Our website is made possible by displaying online advertisements to our visitors. Please consider supporting us by whitelisting our website.

نعت: یہ حالت ہے اب سانس لینا گراں ہے

یہ حالت ہے اب سانس لینا گراں ہے
مگر آپ کا نام ورد زباں ہے
کوئی جانے کیا اس کا پرچم کہاں ہے
سرعرش جس کے قدم کا نشاں ہے
وہ فانوس فطرت ہیں دونوں جہاں میں
انہیں کی تجلی یہاں ہے وہاں ہے
یہ سارا جہاں ان کے زیر قدم ہے
کہ پامال ان کا مکاں لامکاں ہے
کف دست رحمت میں ہے ساراعالم
زمین آپ کی آپ کاآسماں ہے
مسلم ہے ان کو خدا کی نیابت
کلام خدا مصطفی کی زباں ہے
نہ پوچھ اعظمی منزل سر بلندی
مرا سر ہے محبوب کا آستاں ہے

Leave a Reply

Your email address will not be published. Required fields are marked *

error: Content is protected !!