سب سے بہتروہ جو کھانا کھلا ئے اور جنتیوں کا کام

سب سے بہتروہ جو کھانا کھلا ئے

Advertisement

سرکارِنامدار، مدینے کے تاجدار صلَّی اللّٰہ تعالٰی علیہ واٰلہٖ وسلَّم کا فرمانِ عظمت نشان ہے :خِیَارُکُمْ مَنْ اَطْعَمَ الطَّعَامَ وَ رَدَّ السَّلَامَیعنی تم سب میں بہتر وہ ہے جو کھانا کھلائے اور سلام کا جواب دے ۔(مسند احمد، ۹/ ۲۴۰حدیث:۲۳۹۸۱)
حضرت ِعلّامہ عبدالرء ُوف مناوی علیہ رحمۃُ اللّٰہِ الہادی اس حدیث پاک کے تحت فرماتے ہیں : کھاناکھلانابھائیوں ، پڑوسیوں اورغرباومساکین سب کو شامل ہے ۔ (فیض القدیر، ۳/ ۶۶۲تحت الحدیث:۴۱۰۳)

جنتیوں کا کام

میٹھے میٹھے اسلامی بھائیو!سورۃُ الدَّہرکی آیت نمبر8میں جنتیوں کا ایک وصف یہ بھی بیان کیا گیا ہے :
وَ یُطْعِمُوْنَ الطَّعَامَ عَلٰى حُبِّهٖ مِسْكِیْنًا وَّ یَتِیْمًا وَّ اَسِیْرًا(۸)(پ۲۹، الدھر:۸)
ترجمہ کنزالایمان : اور کھانا کھلاتے ہیں اس کی محبت پر مسکین اور یتیم اور اسیر کو ۔
صدرُ الافاضِل حضرتِ علّامہ مولانا سیِّد محمد نعیم الدّین مُراد آبادی علیہ رحمۃُ اللّٰہِ الہادی اِس آیت کے تحت لکھتے ہیں : یعنی ایسی حالت میں جب کہ خود انہیں کھانے کی حاجت و خواہش ہو اور بعض مفسّرین نے اس کے یہ معنٰی لئے ہیں کہ اللّٰہ تعالٰی کی محبت میں کھلاتے ہیں ۔(خزائن العرفان ، ص۱۰۷۳)
صَلُّوا عَلَی الْحَبِیب ! صلَّی اللّٰہُ تعالٰی علٰی محمَّد

Advertisement

Leave a Reply

Your email address will not be published. Required fields are marked *

error: Content is protected !!