شیخ الاسلام حضرت اختر ؔ کچھو چھوی کی نعتیہ شاعری کے تابندہ نقوش

ahlesunnats.comجون 9, 2019

26 12 minutes read

ڈاکٹر سراج احمدقادری(یو۔پی)

شیخ الاسلام حضرت اختر ؔ کچھو چھوی کی نعتیہ شاعری کے تابندہ نقوش

شیخ الاسلام حضرت علامہ سید محمد مدنی میاں اخترؔ کچھو چھوی مدّ ظلہٗ النورانی مشہور عالم دین اور عظیم نعت گو شاعر حضور محدث اعظم ہند حضرت علامہ ابو المحامد سیّد محمدسیّدؔ اشرفی جیلانی کچھوچھوی رضی اللہ تعالیٰ عنہ کے ولد صالح ہیں ۔ آپکی ولادت با سعادت یکم رجب المرجب ۱۳۵۷؁ہ مطابق ۲۸ ؍اگست ۱۹۳۸ ؁ء کو چھو چھہ مقدسہ( ضلع امبیڈکر نگر ۔اتر پردیش ) میں ہوی ٔ

ابتدائی تعلیم آپ نے اپنے والدین کریمین سے حاصل کی ۔اور دینی علوم کی اعلیٰ تعلیم تکمیل حضور حافظ ملت علامہ شاہ عبد العزیز مرادآبادی کے زیر سایہ الجا معۃ الاشرفیہ ، مبارک پور ، اعظم گڈھ سے کی ۔ حضور حافظ ملت رحمۃ اللہ علیہ کی زیارت سے گر چہ میںمحروم رہا مگر میں نے ان کے جو اوصاف پڑھے یا اپنے اساتذہ سے سنے ہیں وہ مجھے آج تک محو حیرت کے ٔ ہوے ٔ ہیں ۔ آج بھی جب میں اپنے قوتِ حا فظہ پر زور دیتا ہوں تو میرے ذہن میں محفوظ انکی یادوں کے نقوش منوّر ہوجاتے ہیں اور دل انکی بارگاہ عظیم میں خود بخود سجدہ ریز ہو جاتا ہے بقول طاہرؔ لاہوری ؎

ا ُن سے مری ہستی کہ سیہ رات ہے روشن

جو دیپ مرے دل میں عقیدت کے جلے ہیں

حسرت یہ ہوتی ہے کہ کاش انکی زیارت سے مشرف ہوا ہوتا ۔ آج تک کویٔ ایسا شخص مجھے نہیںملا کہ جس نے یہ کہا ہو کہ حافظ ملت میں یہ عیب تھا، جتنے لوگ بھی ملے ان کے مدّاح ہی ملے۔

میں اس مقام پہ عرض کرنا چا ہتاہوں کہ اگر حضرت علامہ سید محمد مدنی اخترؔکچھو چھوی مدّ ظلہٗ النورانی کو حضور محدث اعظم ہند جیسے مشفق و سر خیل والد ملے تو حضور حافظ ملت علیہ الرحمہ جیسے نابغہ ٔ روزگاراستاذ بھی ۔ان دونوں حضرات کی تعلیم و تربیت نے یقیناً حضرت علامہ سیّد محمد مدنی میاں قبلہ مدّظلہٗ النورانی کو دین و دنیا کا اختر کامل بنا دیا ہے۔

فرمایا گیا ہے ’’ اَلولَدُ سِرٌ آبیہِ ‘‘ المقاصدُ الحسنۃ فی بیان کثیر من الاحادیث المشتھرۃ علی الالسنۃ ۔ تالیف العلامۃ الشیخ محمد عبد الرحمن السخاوی ( متوفی سنۃ ۹۰۴؁ہ )

بیٹا اپنے باپ کی سچی تصویر ہوا کرتا ہے ۔ باپ کے نقوش زندگی بیٹے کے کردار و عمل کا آئینہ ہوا کرتے ہیں ۔ استاذ کو پدرِ معنوی کا

مقام حاصل ہے ۔ قول مذکور کی روشنی میں اگر کویٔ شخص حضور محدث اعظم ہند اورحضورحافظ ملت علیھما الرّحمہ کے علم و عمل اور ضَو ریز کردار کو دیکھنا چاہتا ہے تووہ حضرت علامہ سیّد محمد مدنی میاں صاحب قبلہ مدّ ظلہٗ النورانی میں دیکھ سکتا ہے ۔ میرے موقف کی تائید ڈاکٹر سیّد طارق سعید کی اس تحریر سے بھی ہوتی ہے وہ فرماتے ہیں ۔

’’ یہاں یہ کہے بغیر چارہ نہیں کہ حضرت اختر ؔ کی ذات گرامی پر والد محترم محدث کچھو چھوی کی نوازشات کا کوی ٔ شمار نہیں ‘‘ (گلدستہ ۔ ڈاکٹر طارق سعید ، طبع دوم میٔ ۱۹۹۵ ؁ء فیض آباد ص ۱۴ )

ماہ فروری ۲۱۰۶؁ ء میں مدنی فاوندیشن ، ہبلی ( کرناٹک ) کی جانب سے حضرت مولانا نعیم الدین اشرفی ، سیکریٹری مدنی فاونڈیشن، ہبلی کا گرامی نامہ موصول ہوا جس میں انہوں نے مورخہ ۱۰؍ اپریل ۲۱۰۶؁ء کو حضرت علامہ سیّد محمد مدنی میاں اخترؔ کھوچھوی قبلہ پر سیمینار کے منعقد کے ٔ جانے کا ذکر کرتے ہوے ٔ مقالات و مضامین طلب کیے تھے ۔ میں نے محترم حضرت مولانا نعیم الدین اشرفی صاحب کو بذریعہ ای۔ میل اطلاع دی کہ آپکا گرامی نامہ موصول ہوا ۔ حضرت علامہ مدنی میاں صاحب قبلہ کی شخصیت پر لکھنے کے لۓ میرے پاس لٹریچر دستیاب نہیں ہیں اگر لٹریچر دستیاب ہو جائیں تو حکم کی تعمیل ہو سکتی ہے ۔ انہوں نے بذریعہ موبائیل فون رابطہ قائم کیا اور لٹریچر فراہم کرنے کو وعدہ فرمایا ۔ ۲۲؍فروری ۲۱۰۶ ؁ ء کو مجھے انکی جانب سے بذریعہ اسپیڈ پوسٹ تین کتابوں ٭نظریۂ ختم نبوت اور تحزیر الناس ٭علمی مجلہ حضرت شیخ الاسلام حیات و خدمات ٭ گلدستہ کا ایک پیکٹ موصول ہوا ۔ حضرت مولانا نعیم الدین اشرفی صاحب سے گفتگو کے دوران معلوم ہوا کہ حضرت ایک بلند پایہ شاعر بھی ہیں ۔ جس سے مجھے بے پناہ مسرت ہویٔ ۔ اپنی افتاد طبع کے پیش نظر میں نے مولانا محترم سے انکی شاعری پر لکھنے کا وعدہ کر لیا ۔ مولانا نعیم الدین اشرفی کے فراہم کردہ لٹریچر ’’ علمی مجلہ حضرت شیخ الاسلام حیات و خدما ت‘‘ کے مطالعہ سے معلوم ہوا کہ آپکا مجموعہ ٔ کلام ’’ تجلیات سخن ‘‘ جو ۲۵۴ صفحات پر مشتمل ہے طبع ہوکر منظرعام پر آ چکا ہے ۔ جو دو جز پر مشتمل ہے ۔ جزء اوّل باران رحمت ( جو حمد و نعت اور منقبت ) اور جزء دوم ’’ پارہ ٔ دل ‘‘ غزلوں اور نظموں پر مشتمل ہے ۔

چونکہ حضرت اخترؔ کھو چھوی مدّ ظلہ کا مذکورہ مجموعہ ٔ کلام مجھے دستیاب نہیں ہو سکا اس لیے ا س پر کسی طرح کا اظہار خیال نہیں کر سکتا ۔

ہاں حضرت مولانا نعیم الدین اشرفی صاحب کا ارسال کردہ حضرت علامہ اختر ؔ کھو چھوی مدّ ظلہٗ کا شعری مجموعہ ’’ گل دستہ ‘‘ اس وقت میرے پیش نظرہے جسے ڈاکٹر سید طارق سعید ، صدر شعبہ اردو ساکیت، پی۔جی کالج ، ایودھیا ،فیض آباد نے مدوّن کیا ہے ۔ڈاکٹر سید طارق سعید صاحب ’’ گل دستہ ‘‘ کے دیباچہ ٔ دوم میں تحریرفرماتے ہیں ۔

’’ آخر میں ایک ضروری بات کی طرف اشارہ کرنا ضروری سمجھتا ہوں کہ اس مجموعہ ٔ کلام کی ترتیب نہ تو حروف تہجی کے اعتبار سے ہے اور نہ سن ِ تخلیق کے اعتبار سے بلکہ کتابت ، طباعت اور مدون کی ذاتی پسند ہی ہر جگہ دخیل رہی ہے ۔ آپکی بیش قیمت راے ٔ کا انتظار رہے گا تاکہ اگلا ایڈیشن خوب سے خوب تر ہو سکے ۔ ‘‘ گل دستہ ۔ ڈاکٹر طارق سعید ، طبع دوم میٔ ۱۹۹۵ ؁ء فیض آباد ص ۴۲

میں محترم ڈاکٹر سید طارق سعید صاحب کی خدمت عا لی جاہ میںنہایت ادب کے ساتھ عرض گزار ہوں کہ میرے خیال میں جب بھی کسی شاعر یا تخلیق نگار کی کاوش پر قلم و قرطاس اٹھا یا جاے ٔ تو اس کو ادبی نقطۂ نگاہ سے پر کھا جاے ٔ نہ کہ اپنی ذاتی راے ٔ سے ۔ جس سے کہ تخلیق نگار کی تخلیق کے عہداور شعور و فکر کا تعین ہوسکے ۔اس لیے کہ نگارشات تخلیق نگار کی ذہنی و فکری پختگی کی آئینہ دار ہوا کرتی ہیں اور اسی سے اس کے تخلیقی شعور کا اندازہ ہوتا ہے نیز اس کی ادبی قدروں کا صحیح تعین بھی۔

جب ہم حضرت علامہ اختر ؔ کچھو چھوی مدّ ظلہٗ کی سخن طرازی پر ایک نظر ڈالتے ہیں تو ہمیں ان کے یہاں شاعری کی جملہ اصناف میں طبع آزمایٔ کا خاطر خواہ سرمایہ نظر آتا ہے ۔ اگر انہوں نے اپنی فکر و فن کا موضوع نعت و منقبت کو بنایا ہے تو غزل و نظم کی آبیاری بھی بڑے سلیقے سے کی ہے ۔انکا نعتیہ کلام پڑھکر جہاں ان کے فکر و فن اور عشق رسول ﷺ کا ندازہ ہوتا ہے وہیں انکی غزلوں کو پڑھکر انکی لطیف طبعیت کا بھی احساس ہوتا ہے ۔ مگر اس وقت میرا مطمح نظر انکی نعتیہ شاعری ہے ۔

عصر حاضرمیں نعتیہ شاعری پر فکر و فن کے حوالے سے بڑا کا م ہو رہا ہے خصوصاً پاکستان میںنعتیہ ادب پر تحقیق وتنقید کام فروغ و ارتقاء کی راہ پر گامزن ہے ۔ اس کے ارتقاء وفروغ میں مجلہ ’’ نعت رنگ ‘‘ کراچی کلیدی کردار ادا کر رہا ہے جو لائق صد ستائش ہے۔ورنہ اس سے قبل شعرأ صرف تیمُّناً و تبرکاًہی نعتیں کہہ اورسُن رہے تھے اور ادیب و نقاد اس کو مذہبی شاعری کا درجہ دیکر صرفِ نظر کے ٔ ہوے ٔ تھے ۔

حمد ونعت پر شائع ہونے والے جرائد و رسایل نے ادیبوں اور تنقید نگاروں کی فکر کو خود بخود اپنی جانب متوجہ کر لیا ہے ۔ میں پر امید ہوں کہ اگر نعت پر فکر و فن اور نقد ونظر کا کام اسی طرح ارتقایٔ فروغ حاصل کرتا رہا تو عنقریب اس کو صنفِ ادب کا درجہ مل جاے ٔ گا اس لیے کہ ادب کہ یہ واحد صنف سخن ہے جس کا تعلق براہ راست اللہ جلّ جلالہٗ اور اس کے پیارے رسول احمد مجتبیٰ محمد مصطفی ﷺ سے ہے ۔ یہ وہ عظیم بارگاہیں،ہیں جہاں اک سرِ مو بھی فرو گذاشت کی گنجائش نہیں جس میں صرف اور صرف صداقت ہی صداقت کابیان ہوتاہے ۔

حضرت اختر ؔ کچھو چھوی مدّ ظلہٗ کے فکر و فن پر آغاز سے پیش تر نعت پاک کے حوالے سے ان کے موقف کوجان لینا ضروری ہے۔ کہ نعت پاک کے حوالے سے انکا نقطۂ نظر کیا ہے ۔چنانچہ آپ بارگاہ آقا و مولیٰ ﷺ میں سلام کی نذر پیش کرتے ہوے ٔ ایک سلام کے مقطع میں فرماتے ہیں

آمدہ نعت محمد ﷺ در کتاب کبریا

ہر گز آساں نیست نعتش اخترؔ خوار و ذلیل

ایک نعت پاک میں تحریر فرما تے ہیں کہ نعت پاک رقم کرنے کا صر ف اور صرف اسی کو حق ہے جس کے قلم میں احتیاط کی روشنایٔ ہو ۔ حضرت کے اس شعر سے انکے قلم و فکر کی پاکیزگی کا اندازہ لگایا جا سکتا ہے ؎

صرف اُسی کو ہے ثناے ٔ مصطفی لکھنے کا حق

جس قلم کی روشنایٔ میں ہو شامل احتیاط

اختر ؔ نہیں ہے وقت جنوں ہوش کو سنبھال

سوئے ادب ہے بولنا بزمِ ِخیال میں

آج کل ایک مخصوص فکر و آہنگ رکھنے والے حضرات کا نظریہ ہے کہ نعت صرف ستائش مصطفی ﷺ کا نام ہے ۔لیکن جب ہم نعت گویٔ کی تاریخ کا مطالعہ کرتے ہیں تو ہمیں مدح مصطفی ﷺ کے ساتھے معاندین کی تضحیک و تذلیل کا موضوع بھی نعت میں ملتا ہے ۔ نعت گویٔ کی یہ روش اس کی تاریخ میں بہت ہی اہمیت کی حامل ہے ۔ چنانچہ حضرت اختر ؔ کچھو چھوی مدّ ظلہٗ اپنی ایک نعتِ پاک میںاسی پہلو پر روشنی ڈالتے ہوے ٔ فرماتے ہیں ؎

جس میں پاسِ شریعت نہ خوف خدا ،وہ رہا کیا رہا، وہ گیا کیا گیا

ایک تصویر تھی جو مٹا دی گیٔ ،یہ غلط ہے مسلمان مارا گیا

بد نصیبو ! شہنشاہ کونین سے صاحب قربت قاب قوسین سے

تم نے کی دشمنی ،ہم نے کی دوستی، کیا تمھیں مل گیا، کیا ہمارا گیا

اے مری قوم کے زاہدو عالمو نخوتِ زُہد و دانش بُری چیز ہے

کیا مجھے یہ بتانا پڑیگا تمھیں ،کس سبب سے عزازیل مارا گیا

ان کے کوچے میں مر کر یہ ظاہر ہوا کچھ نہیں فرش سے عرش کا فاصلہ

گود میں لے لیا، رفعتِ عرش نے ،قبر میں جس گھڑی میں اتارا گیا

حضرت اخترؔ کھوچھوی نے مختلف اسلوب میں نعتیں رقم کی ہیں کہیں تغزل کا رنگ غالب ہے تو کہیں تفوّق علمی کی جلوہ باریاں کار فرما ہیں۔ تفوّق علمی سے صرف اہل علم ہی مستفیض ہو سکتے ہیں لیکن زیادہ تر نعتیں انہوں نےسادہ اسلوب میں کہی ہیں جس سے کہ ہر کہ و مہ لطف اندوز ہو سکتے ہے ملاحظہ ہو ؎